A beim Vakeahr soit Wös a Voazeigestod wean.
Waun i „Kini vo Wös“ warad, i tat olle Radlweg (ois Geh- und Radlweg) übadochn lossn.
Gö da schaust. In Kina hams soiche scho baut, wermas in Wös a schoffa. Mit Solarstromkollektoren drauf oda netta eifoche Reahrn. Mid Aufpflostarung bei de Kreizungen und eibautn Roahrpostsystem. Auf soiche übadochtn Radlweg kaun a jeda s gaunze Joahr midn Radl foahrn. Koida Wind, Regn, Schpritzwossa, Schnee, Eis und Schplitt waradn ka Thema mea. Wös is bredl ebm und suppa guat zum Radlfoahrn. Des passat füa Wös. Kennan ned olle sudan, dass Erd-ö goar wiad und nix tuan. A Parkheisl beim Bauhof baun, damit de Leid, den noch Linz miassn jo ned midn Radl oda midn Linienbus foahrn, des is sowos vo voagestan.
Da Linienbus muass Radlfohra midnehma, waun des in Wean in da U-Bahn untdruntn geht, muass des in Wös im Bus a geh. A jeda Taxla muass an Gepäcksträga füa a Radl haum und muass des Radl midnehma. Daun kaust midn Anrufsammltaxi aufd Nocht hamfoahrn unds Radl midnehma.