Des is a Foarbfoto vo da neich gestoiteten Schmidtgossn in da Innenstod, oba es zagt nua grau in grau. De dunklgrauen Pflostastana hams aussagrissn und hellgraue Pflostastana hams neich valegt. Owa nirgends is wos gricht füa Blumen, niagends steht a gressara Strauch oda a Rosnheckn. Öd. Fad. Schiach. Do steht auf jedn Pflosta-Sta unsichtboa drauf „gewidmet vo da SPÖ“ oda „Idee der ÖVP“ oda „der FPÖ gefällt das“. Jeda Stoa is negative Woiwerbung fia de Barddeian, de des im Gmoarod bschlossn haum und de de Gödvaschwendung do vabrochn haum.